काठमाडौँ - लिन्डा सेपब्रान्टले खेलको अन्त्यतिर गरेको गोल मद्दतले स्वीडेनले शुक्रबार युरो २०२२ मा बेल्जियमलाई १-० ले पराजित गरेको छ। यस जितपछि सेमिफाइनलमा उसको भेट आयोजक इंग्ल्यान्डसँग हुनेछ। बेल्जियमविरुद्ध ओलम्पिकको रजत पदक विजेता टिम जितका लागि बलियो प्रत्याशी रहेको थियो।

त्यसमाथि बेल्जियम पहिलोपल्ट महिला फुटबलको कुनै ठूलो प्रतियोगितामा नकआउट चरण खेलिरहेको थियो। तर दोस्रो वरीयताको टिम जित निकाल्न संघर्षरत् रह्यो। बेल्जियमकी गोलरक्षक निकी इभार्डको उत्कृष्ट बचाउ र टिमको आफ्नै खराब प्रदर्शनका कारण स्वीडेनले गोलका लागि ९२ मिनेटसम्म कुर्नुपरेको थियो।

स्वीडेनको नकआउट चरण तयारी टिमका प्रमुख खेलाडी जोना एन्डरसन, हाना ग्लास र इमान कुलबर्गलाई कोरोना भाइरस संक्रमण भएपछि धक्का पुगेको थियो। तर खेलमाथि भने स्वीडेन नै हाबी रह्यो र उसले पूरा खेलमा ३४ आक्रमण बुनेको थियो। बेल्जियमले भने खालि ३ आक्रमणमा चित्त बुझाएको थियो।