काठमाडौँ - जम्मू-कश्मीरकी स्टार महिला क्रिकेटर, जसिया अख्तरले बङ्गलादेशमा हुने ढाका प्रिमियर डिभिजन महिला क्रिकेट लिगमा मोहमेडन स्पोर्टिङ क्लबबाट खेल्ने भएकी छन्।

शोपियानमा जन्मेकी जसियाले जम्मु कश्मीर बाहिर खेल्न रोजिन्। उनि सबैभन्दा सफल कश्मीरी महिला क्रिकेटर हुन्।

जसिया, जो हाल राजस्थानको वरिष्ठ महिला टोलीको कप्तान हुन्। महिला आइपिएल खेल्ने र धेरै अवसरहरूमा राष्ट्रिय टोलीमा पुग्ने जसियाले यो अवसर प्राप्त गरेकी हुन्।

ढाका लिगमा कुल ११ टोलीको सहभागिता रहनेछ। प्रतियोगिता जेठ १८ गतेबाट सुरु हुँदैछ। जसिया यसअघि पनि प्रतियोगितामा सहभागी भइसकेकी छन्। बङ्गलादेशमा यो उनको दोस्रो पटकको खेल्ने अवसर हो।