काठमाडौं । संसद सचिवालयका कर्मचारीको आन्दोलनका कारण प्रतिनिधिसभा बैठक प्रभावित भएको छ ।

बुधबार कार्यालय समयपछिपनि जारी रहेको बैठकमा सचिवालयका कर्मचारीहरुले सभामुखको मात्र अनुहार देखाएर प्रत्यक्ष प्रसारण गरेपछि सांसदहरुले आपत्ती जनाएका थिए ।

सांसद रामहरि खतिवडाले सांसदहरुले बोलेका बेला सभामुखलाई मात्रै देखाएकाले बैठक स्थगीत गर्न आग्रह गरेका थिए । त्यसपछि सभामुख देवराज घिमिरेले कार्यसूचीमा रहेका बिषयलाई हटाउदै बैठक स्थगत गरे । प्रतिनिधिसभाको अर्को बैठक बिहीबार बिहान ११ बजे बोलाइएको छ ।

बिभिन्न माग राख्दै संसद सचिवालयका कर्मचारीहरु आन्दोलित छन् । उनीहरुले आफ्ना माग पुरा नभएसम्म कार्यालयसमयबाहेक काम नगर्ने बताउदै आएका छन् ।