काठमाडौं– असार ७ बाट प्रदर्शनमा आउने फिल्म ‘दान्भी’को ट्रेलर सार्वजनिक भएको छ । निर्माण पक्षले बिहीबार चाबहिलमा एक कार्यक्रमको आयोजना गरी ट्रेलर सार्वजनिक गरेको हो । 

ट्रेलरमा प्रमुख नायिका पूजा शर्माको एक्सनलाई स्थान दिइएको छ । उनलाई ‘लेडी टाइगर’का रुपमा चित्रण गरिएको छ । नायक कुन्साङ बोमजोमसँग पुजाको प्रेमलाई पनि ट्रेलरमा देख्न सकिन्छ ।

कार्यक्रममा नायिका पूजाले फिल्मको टिजर र एक्सन अवतारका तस्वीर सार्वजनिक भएपछि सामाजिक सञ्जालमा ट्रोल भएकोमा गुनासो गरिन् ।