काठमाडौं। प्रतिनिधि सभा विघटन भएसँगै संघीय संसद्मा विचाराधीन ३० वटा विधेयक निष्कृय भएका छन्।

संविधानअनुसार, प्रतिनिधि सभा विघटन भएपछि प्रतिनिधि सभामा उत्पन्न भएका र राष्ट्रिय सभाबाट पारित भएर प्रतिनिधि सभामा पुगेका दुवै प्रकारका विधेयक निष्कृय हुन्छन्। तर, राष्ट्रिय सभामा उत्पन्न भएका र राष्ट्रिय सभामै रहेका विधेयक भने निष्कृय हुँदैनन्।

विधायन व्यवस्थापन समितिका सचिव मनोजकुमार गिरीका अनुसार, राष्ट्रिय सभामा बाँकी रहेका पाँच विधेयक छन्:

• अभौतिक सांस्कृतिक सम्पदा (संरक्षण) विधेयक

• चलचित्र विधेयक

• पर्यटन विधेयक

• सामाजिक सञ्जाल विधेयक

• राष्ट्रिय विधि विज्ञान प्रयोगशाला (स्थापना र सञ्चालन) विधेयक

त्यस्तै, राष्ट्रिय सभामा उत्पन्न भएर पारित भएका सात वटा विधेयक पनि प्रतिनिधि सभामा पुगेपछि निष्कृय भएका छन्।